За овој рецепт се потребни помалку од 30 минути

1. Тиквичките и модрите патлиџани измијте ги добро и исечете ги по должина на ленти од 1 см. Потоа печете ги на скара или пропржете ги во тава на рингла од двете страни додека убаво заруменат. Откако ќе ги испечете, ставете ги во чинија настрана и зачинете ги со сол и бибер.
2. Во блендер ставете ги шери доматите заедно со босилекот, сирењето, маслиновото масло и сол и бибер. Изблендирајте додека добиете кремаста смеса.
3. Едно парче леб намачкајте го со кремот од домати, додајте парче свеж домат, тиквичка, модар патлиџан и кашкавал, а потоа поклопете го со друго парче леб. Постапката повторете ја со останатите парчиња леб.
4. Лепчињата ставете ги во загреана тава на рингла и притиснете ги со лажица. Печете ги така 5 минути од секоја страна додека добијат убава боја и станат крцкави, а кашкавалот да се растопи.